شرح لكل مجالات البرمجة - التراس حاسبات ومعلومات

اخر الأخبار

اعلان

اعلان

السبت، 16 سبتمبر 2017

شرح لكل مجالات البرمجة


في المقال دا حنتكلم بتفصيل عن مجالات البرمجة بس قبل منتكلم عن مجالات البرمجة لازم نعرف ايه هيا البرمجة .. 

ماهي البرمجة : 

لغة البرمجة هي هي لغة التخاطب بين الإنسان و الآلة تتكون هذه اللغة من العديد من الأوامر لتنفيذ مهمه معينه ...
وتكون عبارة عن اكواد وخوارزميات تختلف في الشكل والطريقة من لغة للاخري .. وتكون لكل لغة وظائف معنة وخصائص تختلف من لغة للاخري ..

امثلة للغات البرمجة :

من امثلة لغات البرمجة 
  • جافا
  • سي شارب
  • سي بلص بلص 
  • بايثون 
  • سويفت 
هذا المقال يستعرض لغات البرمجة والفرق بينها والوظائف المفضلة لكل لغة برمجة وكتاب كامل وكورس اون لاين لكل لغة برمجة 
المقال من هنا  شرح لكل لغات البرمجة واستخداماتها


مجالات البرمجة :
تعالي نستعرض المجالات الي بتتعمق فيها البرمجة ..
** Desktop Application
** Mobile Application
** Web Application
** Database Application
** Encryption Application
** Search Engine
** Game Developing
** Embedded System
** Robotics
** Communication Application
** Math Modeling
** Artificial Intelligence
** Machine Language
دي تقريبا اغلب مجالات البرمجة الي انا وعيت عليها في الدنيا ..
عشان نقدر نحدد اصعب مجال لازم نعمل اعتبارات ناخدها في الحسبان و احنا بنقارن ..
- توافر المعلومات
- امكانية فهم المشروع
- تطور العالم في العلم دا
- الوقت المستهلك
- المتطلبات المحتاجها عشان تقدر تشغل علي المشروع دا

مجال ال Desktop application : 

طبعا من المجلات المشهورة جدااا الي اغلب الناس اول لما تتعلم برمجة تبدا تشتغل عليها .. 
- توافر المعلومات :- موجوده بكمية كبيرة جدااا و باكثر من لعة برمجة 
- امكانيات فهم المشروع :- تقدر تفهم المشروع المطلوب منك بسهوله جدااا لانها بتكون template و بتغير فيها حاجات بحيث ترضي العميل 
- تطور العلم فيها .. كل شركات العالم بتطور فيها 
- الوقت المستهلك :- حسب شطارتك و فهمك للعة البرمجة 
المتطلبات المحتاجها عشان تقدر تشتغل عليها .. مافيش الا لغة برمجة ..





مجال ال Mobile application : 

طبعا من المجلات المشهورة جدااا في الفتره الاخيرة .. 
- توافر المعلومات :- موجوده بكمية كبيرة جدااا و باكثر من لعة برمجة تقدر تشتغل عليها 
- امكانيات فهم المشروع :- تقدر تفهم المشروع المطلوب منك بس محتاج خبره عشان امكانيتها كثير جدااا عشان تلم بالموضوع كله محتاج منك وقت ..
- تطور العلم فيها .. كل يوم في جديد و كل يوم في اسلوب جديد 
- الوقت المستهلك :- محتاج وقت كثير عشان تحترف تماما .. 
المتطلبات المحتاجها عشان تقدر تشتغل عليها ..انك تكون فاهم لغة برمجة من الي بتطور apps كويس جدااااا .. بحيث تقدر تشتغل كويس و تفهم القصه ..



مجال ال Web application : 

طبعا من المجلات المشهورة جدااا الي اغلب الناس اول لما تتعلم برمجة تبدا تشتغل عليها .. 
- توافر المعلومات :- موجوده بكمية كبيرة جدااا بس ليها مسار معين لازم تمشي عليه في الاول
- امكانيات فهم المشروع :- تقدر تفهم المشروع المطلوب منك بسهوله جدااا لو المشروع بسيط .. بس المشروع كبير لازم يبقئ ليك خبره كويسة عشان تفهم المطلوب منك ايه بالظبط .. 
- تطور العلم فيها .. العلم وصل فيها لمرحلة كبيرة جدااا و لسا بيتطور فيها لحد دلؤقتي 
- الوقت المستهلك :- حسب شطارتك و فهمك للغات البرمجة الكثيرة الي بتشتغل بيها .. 
المتطلبات المحتاجها عشان تقدر تشتغل عليها .. عشان يبقئ اسمك محترف علي الاقل 5 او 6 لغات برمجة من بتوع الويب ..

مجال ال Database application : 

طبعا من المجلات المشهورة جدااا الي بتحتجها معا اي مجال ثاني و انتا شغال عشان تهكيل و تقدر تخزن معلومات فيها .. 
- توافر المعلومات :- موجوده بكمية كبيرة جدااا و باكثر من اسلوب 
- امكانيات فهم المشروع :- تقدر تفهم المشروع المطلوب منك بسهوله .. 
بس ازاي تقدر تحوله بالاسلوب الي بتشتغل بيه لاكواد .. 
- تطور العلم فيها .. اتوصل فيها اساليب و التطوير فيها بقئ بيتطور لكل مجال من المجالات لواحده زي مثلا Mobile , Desktop , Web و هكذا .. 
- الوقت المستهلك :- حسب شطارتك و قدرتك علي التخيل .. 
المتطلبات المحتاجها عشان تقدر تشتغل عليها .. تبقئ فاهم مبدا قواعد البيانات كويس ..



مجال ال Encryption application : 

طبعا من المجلات الي مش مشهورة اوي لان من اول هنا تبدا تبان صعوبة البرمجة .. 
- توافر المعلومات :- موجوده بس محتاجه تبقئ فاهم انجليزي كويس جدااا .. و فاهم رياضه كويس جدااا 
- امكانيات فهم المشروع :- تقدر تفهم الفكرة لو حد هيشرحالك .. انما لو هتقرا من كتاب الموضوع مش سهل .. لان كل فكرة تشفير فكرة لواحدها .. 
- تطور العلم فيها .. المخبارات و شركات صناعة البرامج هما اكثر ناس متهميه بالموضوع دا .. 
- الوقت المستهلك :- بتاخد وقت كبير جداااا .. 
المتطلبات المحتاجها عشان تقدر تشتغل عليها .. رياضه كويس جداااا .. فاهم برمجة بمعني كلمة فاهم كويس جداااا .. عندك قدره علي التحليل كبيرة جدااا ..

مجال ال  Search Engine : 

طبعا من المجلات المشهورة .. بس قليل الي بيتعامل معاها كبرمجة  احنا بنتفرج عليها من بعيد بس  .. 
- توافر المعلومات :- موجوده بس طبعا رياضه و تحليل و خوريزمات كثيره جدااا .. 
- امكانيات فهم المشروع :- تقدر تفهم الفكرة بس طبعا التنفيذ وضع ثاني خالص .. 
- تطور العلم فيها .. مقتصره علي شركات معينه زي جوجل مثلا  
- الوقت المستهلك :- بتاخد وقت و وقت كبير كمان 
المتطلبات المحتاجها عشان تقدر تشتغل عليها .. رياضه ثم رياضه  و برمجه بتعمق جدااا بالاخص معا قواعد البيانات و الخوريزمات بتاعة تحليل الكلام ..



مجال ال Game Developing : 

طبعا من المجلات المشهورة جدااا بره مصر  مش في مصر  ..
- توافر المعلومات :- موجوده بكمية كبيرة جدااا بس في مصر او الوطن العربي .. مافيش محتوي عربي فمفيش حد مركز معاها  
- امكانيات فهم المشروع :- محتاج تركز معا فكرة المشروع و تعرف كل تفصيله و تتقدر تتعامل معا الجرافيك الي هيجيلك من العميل  
- تطور العلم فيها .. يوميا في جديد .. بس طبعا بيكون احتكار علي الشركات الكبيرة 
- الوقت المستهلك :- شهور  
المتطلبات المحتاجها عشان تقدر تشتغل عليها .. رياضه  و جرافيكس  .. و طبعا برمجة 




مجال ال Communication Application :
طبعا من المجلات المشهورة برده بره مصر .. انك تبدا تشتغل شعل هندسة الاتصالات معا البرمجة  .. المهندسين عندنا في مصر بيعملوا حاجة واحده بس نادرا لما تلاقئ حد شاطر في الاثنين .. 
- توافر المعلومات :- موجوده بس انجليزي و محتاجه انك تكون مهندس اتصالات عشان تقدر تفهم 
- امكانيات فهم المشروع :- لازم تكون مهندس اتصالات عشان تفهم المطلوب منك 
- تطور العلم فيها .. شركات الموبيلات اكبر شركات مهتميه بالمجال و مراكز الابحاث العلمية 
- الوقت المستهلك :- ممكن تضيع حياتك علي فكرة  لان الفكرة ممكن تغير مسار حياتك  
المتطلبات المحتاجها عشان تقدر تشتغل عليها .. مهندس - مهندس شاطر - و برمجة شاطر فيها جدااااا .. طبعا فاهم Embedded System ..


مجال ال Math Modeling : 

طبعا من المجلات المشهورة بره مصر .. انك تبدا تستخدم البرمجه معا الرياضه و دا شغل اكاديمي معا اغلب الناس .. 
- توافر المعلومات :- موجوده بكمية كبيرة جدااا
- امكانيات فهم المشروع :-لازم تكون فاهم رياضه .. كويس جداااا .. و طبعا برمجة  
- تطور العلم فيها .. كل جامعات بره شغالين عليها  
- الوقت المستهلك :- لو فهمت ممكن اسابيع ..
المتطلبات المحتاجها عشان تقدر تشتغل عليها .. رياضه شاطر جدااا جدااا .. 
و تبقئ فاهم برمجة كويس جدااا ..




مجال ال Artificial Intelligence :
طبعا من المجلات المشهورة جدااا كاسم .. انما كاعلم .. احنا فين و العلم دا فين  ..
- توافر المعلومات :- قليل جداااا .. بل يكاد يتكم عنها و التطوير فيها ..
- امكانيات فهم المشروع :- مشاريعها اصلا قليله .. بيكون علماء هما الي بيشتغلوا عليها ..
- تطور العلم فيها .. شركات مختصه الي بتشتغل علي الحاجات دي ..
- الوقت المستهلك :- شهور 
المتطلبات المحتاجها عشان تقدر تشتغل عليها .. رياضة .. علم الذكاء الاصناعي - برمجة .. 
** Machine Language :
طبعا من المجلات الي مش مشهورة خالص .. لان الناس بتعتبر عف عليها الزمن  كان زمانها في الستينات .. معا بداية صناعة الكومبيوتر و تعتبر من المجالات الخارجه من Embedded System
- توافر المعلومات :- موجوده الي حد ما .. بس طبعا فهمها محتاج انك تبقئ فاهم الكومبيوتر بيشتغل ازاي اساسا و فكرته ايه  ..
- امكانيات فهم المشروع :- مشارعها قايمة علي ابداع جاهز جديد .. او تطوير جهاز يشتغل معا الكومبيوتر .. زي ماوس مثلا او او او ..
- تطور العلم فيها .. برائات الاختراع في مجال الكومبيوتر بتبقئ في الجزئية دي اغلبها ..
- الوقت المستهلك :-ممكن سنه او اثنين ..
المتطلبات المحتاجها عشان تقدر تشتغل عليها .. رياضه .. فكرة الكومبيوتر اساسا شغال ازاي .. و لفات ال Machine language

مجال ال Embedded System :
طبعا من المجلات الي انا مقتنع انها الاصعب علي الاطلاق لو مشرايع كبيره زي تحكم في مصنع او انك تتعامل معا جهاز جديد .. العلم دا الي طلع منه الكومبيوتر و الموبيل و طلع منه كل جاهز الكتروني انتا شايله و طلع منه فكرة لفات البرمجة اساسا .. 
- توافر المعلومات :- موجوده بشكل كبير .. بس محتاجه مهندس فاهم الكترونيات و برمجه عشان يقدر يشتغل عليها .. 
- امكانيات فهم المشروع :- علي حسب قوة المشروع .. 
- تطور العلم فيها .. الي عايز يكسب بره مصر .. يصنع جهاز و يبيعه  .. 
- الوقت المستهلك :- مش كثير لو انتا فاهم .. 
المتطلبات المحتاجها عشان تقدر تشتغل عليها .. رياضه .. برمجة .. الكترونيات .. كهرباء ..




مجال ال Robotics :
طبعا من المجلات الي انا مقتنع الصعبه علي الاطلاق .. لانك بتتعامل فيها معا الواقع .. ميكانيكا .. كهرباء .. برمجة .. رياضه ..
- توافر المعلومات :- موجوده بشكل كبير .. بس القدره علي فهمها ..
- امكانيات فهم المشروع :- علي حسب قوة المشروع ..
- تطور العلم فيها .. الابداع في المجال دا علي مستوي العالم ..
- الوقت المستهلك :-لو انتا فاهم هتقدر تنجز .. بس لو مشروع فيه رياضه كثيرة و تعمق في الاربع مجالات .. هتقد كثير لحد ما تربط ما بينهم ..
المتطلبات المحتاجها عشان تقدر تشتغل عليها .. رياضه .. برمجة .. الكترونيات .. كهرباء .. ميكانيكا ..
انا ليه كاتب دا كلو .. لان حسيت النهاردة لسا قدامي كثير لحد ما ابقئ حاجة .. لسا بالنسبة للكلام دا كلو = صفر ..
مستني رايكم  مين الاصعب ..

انا سايب مجال الهاك و متعمد اسيبه لان اسلوب ثاني خالص من البرمجة ..
لان دا بقئ الاصعب علي الاطلاق  لان لو فهمت ال Embedded system + Network + Programming

مقالات حتفيدك : 
افضل 6 مواقع لتعلم البرمجة

 جمع تخصصات الحاسب

مسارات وطرق تعلم البرمجة 

لو استفدت من المقال دا كويس متنساش شير ♥

ليست هناك تعليقات:

إرسال تعليق

Post Bottom Ad