3 طرق مجنونة فيسبوك بيستخدمها عشان يطلعلك الـ People You May Know - التراس حاسبات ومعلومات

اخر الأخبار

اعلان

اعلان

الأربعاء، 17 يناير 2018

3 طرق مجنونة فيسبوك بيستخدمها عشان يطلعلك الـ People You May Know

3 طرق مجنونة فيسبوك بيستخدمها عشان يطلعلك الـ People You May Know 😱
1. في 2014، المهندس Ben Chen اللي شغال في فيسبوك، سجل براءة اختراع لتقنية بتقدر انها تحدد الناس اللي ممكن تكون عارفهم وبتجمعك بيهم علاقة في الواقع الحقيقي، والتقنية دي معتمدة على تحليل بيانات سينسورز موبايلك وموبايل الشخص اللي انت قابلته من حيث سينسورز الـGyroscopes "ودي بتحدد اتجاه حركة الموبايل ووضعيته افقي ولا رأسي ولا مايل" وكمان سينسورز الـAccelerometer "ودي بتقيس سرعة الحركة"، وبيتم مطابقة البيانات من الجهازين سوا بحيث يتعرف انتو وقفتوا سوا اد ايه والمسافة بينكم كان اد ايه وده يعكس انتو عديتو من جمب بعض صدفة ولا كنتو واقفين فعلا سوا بتتكلموا وفيه بينكم معرفة!!!
2. في 2015، فيسبوك سجل براءة اختراع لتقنية بتطابق الصور اللي بتترفع على الشبكة، من حيث بياناتها المستخبية او اللي بتتسمى Meta Data، زي مثلا اسم وترقيم الصورة لما اتصورت على الكاميرا، فمثلا لو لقى صورة انت رافعها واسمها وترقيمها IMG_4605739.jpg ولقى صورة انا رافعها اسمها وترقيمها IMG_4605742.jpg ، فالسيستم يلاحظ ان الاتنين متقاربين في الترقيم ونفس طريقة التسمية، وهنا هيفترض ان الصورتين متصورين بكاميرا واحدة، فكدا احنا نعرف بعض، فهوووب يظهرنا لبعض😱
3. خد التقيلة بقى😓
فيسبوك في نفس براة الاختراع اللي فاتت، قال ان ممكن جدا يتم تحليل الصور اللي بتترفع على الشبكة، ويتعرف الخدوش والاتربة اللي موجودة في العدسة اللي لقطت صورة ما، ولو السيستم لقى نفس الخدوش والاتربة في صور تانية، فهيفهم ان نفس الكاميرا لقطت نفس الصور، وبالتالي الناس اللي رافعة الصور دي، ممكن جدا تعرف بعض، فهووووب تلاقي زوربيح ناس متعرفهاش ظاهرالك، والسبب تكتشف ان كلكو كنتو في فرح واحد ونفس الفوتوجرافر صوركم كلكم، فصاحب الفرح من عريس او عروسة وزع الصور عليكو وكل واحد فيكو رفع صورته، اللي فيها اصلا نغبشة عدسة الفوتوجرافر اللي نسي يمسح لينس الكاميرا 😂
الموضوع بقى مُقلق بجد 😔

ليست هناك تعليقات:

إرسال تعليق

Post Bottom Ad