ايه الفرق ما بين كلية حاسبات ومعلومات وهندسة كبيوتر؟ - التراس حاسبات ومعلومات

اخر الأخبار

اعلان

اعلان

الخميس، 26 يوليو 2018

ايه الفرق ما بين كلية حاسبات ومعلومات وهندسة كبيوتر؟

السؤال ده هو المطروح دائما من طلبة الثانوية العامة المقبلين على التنسيق او طلبة الجدد في الكلية او حتى اللي من خارج مجال الكمبيوتر .

والاجابة معروفة بالطبع ولكن بالنسبة للطلبة الجداد لا ولذلك نكرر الاجابة عليها.

اولا لازم نعرف ان كل  الكليات ليها دور ولا غنى عنها سواء - كلية قمة او غيرقمة - كما يسميها بعض من الناس،
ولكن غالبا مايبحث الطالب عن المجال اللي (حيوفر له لقمة عيش في المستقبل كما يقول المصريين )؛لذلك انا سوضح عيوب ومميزات كل كلية من وجهة نظر المصريين ،لاني اؤمن من وجهة نظري ان البلاد المتقدمة تحتاج الى جميع المجالات .

حوضح بس مفهومين :

الهارد وير :المقصود بيه الكمبيوتر كجهاز ،يعني شاشة الكمبييوتر، السماعات ،لوحة المفاتيح .
سوفت وير:يهتم بدراسة كل اللي بيشغل الكمبيوتر يعني مثلا الويندوز ،صفحات الانترنت،كمان الابليكيش اللي في الموبايل وهكذا.

اولا هندسة كمبيوتر:
ببساطة وبدون تعقيد يهتم الطلاب في هذا المجال بدراسة الهارد وير عن السوفت وير.


ثانيا حاسبات :
تهتم بدراسة السوفت وير عن الهارد وير .



يعني مين الاحسن؟

خلينا متفقين ان كلمة مين احسن مش مناسبة ...ليه؟عشان كل كلية بتهتم بمجال معين وبالتالي المفروض المجالين مطلوبين ،ثانيا كل واحد منا ليه قدرات عقلية معينة وممكن نحب اكتر هندسة(صناعة ) او حاسبات(البرمجة) .

بس لو حتسال السؤال بشكل تاني وهو

مين فرص عمله متوفرة اكتر ؟


بديهي طبعا البرمجة ..كلننا عندنا اجهزة كمبيوتر وهو صحيح برامج البرمجة بتبقى محتاجة اجهزة متقدمة وامكانيتها عالية ولكن باي حال من الاحوال متوفرة وغير كده كمان متوفر كورسات على الانترنت لتعليم البرمجة .

اما للاسف معندناش شركات صناعة موبايلا وكمبيوترات اوبمعنى اصح  فرص العمل في مجال الهارد وير صعبة ..

لذلك غالبا ما يلجا مهندس الكمبيوتر الى دراسة البرمجة بشكل موسع لكي يلتحق بالمجال ..
وممكن كمان خريج الحاسبات يطور نفسه في الهارد وير ..

طيب منا ممكن ادخل هندسة واتوسع في دراسة البرمجة ؟؟
 طبعا ممكن بس السؤال لما يبقى عندي كليتين بيطلعوا مبرمجين بدل ما يطلع مهندس كمبيوتر انا كبلد استفدت ايه ؟😂😂
طبعا انا كبلد خسران ومش كده وبس لا ضيعت الفرصة على واحد ممكن يفيد البلد في المستقبل ..والسبب اني اسات الاختيار..
كمان يا صديقي لا تنسى ان لحد الان كلية هندسة فيها اعدادي ،يعني ممكن تبقى عامل حسابك تدخل هندسة قسم كمبيوتر تلاقي نفسك قسم مدني للاسف ..(اصله قايم على الدرجات)
وطبعا افكرك حاسبات ومعلومات حتديك اساس البرمجة ولازم في الاول والاخر تشتغل على نفسك عشان تعرف تكون شخصية ملهمة في المستقبل بانجزاتك ان شاء الله.

ليست هناك تعليقات:

إرسال تعليق

Post Bottom Ad